«Цифрлық иммунитетті қалай қалыптастыру керек?»

Алматы қаласы Ішкі саясат басқармасының Қоғамдық даму орталығы «Заң мен Тәртіп» әлеуметтік жобасы аясында Әл-Фараби атындағы Қазақ ұлттық университетінде «Цифрлық иммунитетті қалай қалыптастыру керек?» тақырыбында дискуссиялық кездесу ұйымдастырды.

Іс-шара ашық диалог форматында өтіп, жастардың цифрлық ортадағы жауапты мінез-құлқын қалыптастыру, құқықтық сауаттылығын арттыру және деструктивті әдеттердің алдын алу мәселелеріне арналды.

Кездесуге Әл-Фараби атындағы Қазақ ұлттық университетінің профессорлық-оқытушылық құрамы мен Алматы қаласы Полиция департаментінің қызметкерлері қатысып, құқықтық жауапкершілік, нашақорлықтың алдын алу және азаматтардың қауіпсіздігін қамтамасыз ету мәселелері бойынша өзекті ақпаратпен бөлісті.