«Таза қала: ашық диалог» тақырыбында студенттермен кездесу

Алматы қаласы Қоғамдық даму орталығының қолдауымен Халықаралық ақпараттық технологиялар университетінің (МУИТ) экологиялық клубында студенттер мен эко-белсенді Ботагөз Садыбекованың қатысуымен «Таза қала: ашық диалог» тақырыбында кездесу ұйымдастырылды.
Іс-шараның басты мақсаты — тұрақты даму, қоршаған ортаны қорғау және экологиялық санаға қол жеткізу мәселелерін талқылау. Қатысушылар қаланы абаттандыру, табиғи және урбандық кеңістіктерді тазалау, тұрғындарды ерікті экологиялық акцияларға тарту жолдарын бөлісті.
Мұндай шаралар жастардың белсенділігін арттыруға, қоғамның қоршаған ортаға деген жауапкершілігін күшейтуге және қаланың көркі мен тазалығын сақтау жолында нақты қадамдар жасауға мүмкіндік беретін маңызды бастама.