«Мансап жолы» атты кездесу

Алматы қаласы Ішкі саясат басқармасы Қоғамдық даму орталығының бастамасымен «Жұмысшы мамандықтар жылы» аясында «Еңбек пен шеберлік» жобасының төртінші кездесуі – «Мансап жолы» атты тақырыппен өтті.

Шараның мақсаты – жастарды еңбекке баулу және өндіріс, құрылыс пен сәндік-қолданбалы өнер салаларындағы сұранысқа ие мамандықтармен таныстыру.

Кездесуге еліміздің танымал компания басшылары: «SHERTER» компаниясының жетекшісі Бахыт Әлиевич Дильманов, «Орынбасарұлы» компаниясының басшысы Елжас Орынбасарұлы, сондай-ақ «Zamanauy» компаниясының негізін қалаушы Заманбек Сәбитұлы Сәрсебек қатысты.

Кездесу барысында қатысушылар еңбек жолында табысқа жетудің құпияларын тыңдап, өз кәсібін таңдауда сенімді бағыт алды. Шара жастардың еңбекке қызығушылығын арттырды.