Біз – батырлар ұрпағымыз

      Ел рухын бойына сіңірген жасөспірімдерге арналған «Біз – батырлар ұрпағымыз» әскери-спорттық сайысы — тек жарыс емес, ерлік пен елжандылық мектебі болды.
      Алматы қаласы Қоғамдық даму басқармасы Қоғамдық даму орталығының бастамасымен ұйымдастырылған бұл тағылымды іс-шараның мақсаты — жас буынның бойында отансүйгіштік сезімді, тарихи жадыны және азаматтық жауапкершілікті қалыптастыру. Сонымен қатар, жасөспірімдерді тәртіпке, ұйымшылдыққа және дене дайындығына баулу көзделді.
      Қатысушылар әскери үлгідегі киім киіп, тактикалық жаттығулардан өтіп, пневматикалық винтовкамен нысана көздеді. Бұл тек шеберлік емес, төзімділік пен ерік-жігердің, топтық рухтың шынайы сынағы болды. Әр жас батыр өзін сынап қана қоймай, ел қорғаудың қасиетті маңызын жүрегімен сезінді.