Алматы қаласының Қоғамдық даму орталығы
18 мамырда біздің қаламызда Халықаралық музейлер күніне орайластырылған "Музейлер түні" атты жыл сайынғы Халықаралық акция өтті. Іс-шараның мақсаты кең аудиторияның, ең алдымен жастардың музейге деген қызығушылығын арттыру.
Осы түні қала музейлері келушілерді өздерінің құпияларын ашып, бірегей музей мұрасымен танысу үшін күтті.
Акцияға Алматы қаласы музейлер бірлестігінің сегіз музейі қатысады: Алматы музейі, Ықылас атындағы халық музыкалық аспаптар музейі, Д.А. Қонаев музейі, Н. Тілендиевтың мемориалдық музейі, С. Мұқанов пен Ғ. Мүсіреповтың әдеби-мемориалдық музей кешені, Мультимедиялық дәстүрлі музыка орталығы және А. Байтұрсынұлы музей-үйі.
Акция аясында қала қонақтары мен тұрғындары музей қызметкерлерінің ғылыми зерттеулері барысында қайта ашылған және әдетте көпшілік көре алмайтын бірегей экспонаттарды көріп, квест, викториналар мен конкурстарға, тарих және мәдениетке қатысты танымдық ойындар ойнап, шеберлік сағаттарға қатыса алды.
Алматы музейінде Өзбекәлі Жәнібековтің өмірі мен қызметіне арналған көрме, сондай-ақ қатысушылар актерлік шеберлікте, музыканы, биді, жылдамдықты білуде мұражайға байланысты тапсырмалар арқылы өздерін көрсете алған «Show Today» интерактивті командалық сайыс ұсынылды.
Әр музей келушілерге экскурсия жетекшілерінің, аты аңызға айналған тұлғалардың ұрпақтарының, мәдениет қайраткерлерінің, танымал әртістердің, танымал блогерлердің қатысуымен өзінің мәдени-танымдық бағдарламасын ұсынды.
Қазақстанда "Музейдегі түн" акциясы алғаш рет 2006 жылдан бастап өткізіле бастады. "Музейдегі түн" халықаралық акциясы-өнер жанкүйерлері үшін нағыз мереке.
