«Алматы музейлеріне саяхат» жобасы жалғасуда

«Рухани жаңғыру» бағдарламасы аясында, Абай атындағы ҚазҰПУ студенттеріне Ықылас Дүкенұлы атындағы халық музыкалық аспаптар музейіне «Алматы музейлеріне саяхат» жобасына сәйкес, рухани-танымдық экскурсия өткізілді.

Шараның мақсаты - жастардың ұлттық құндылықтар мен халық шығармашылығының бай мұрасына қызығушылығын ояту, бірегей ұлттық аспаптарды дәріптеу.

Жергілікті өлкетану, қасиетті орындарды аралау, ұлттық құндылықтармен танысу, терең ақпарат көздерімен сусындау идеясы – шараға қатысқан 160-тан астам жас ізденушілердің көңілінен шықты. Жастар арасында мұндай іс-шаралардың кеңінен өткізілуі өз жалғасын табатын болады.